English
Following a meeting in December 2021 between Commissioner Brenda Lucki, Royal Canadian Mounted Police (RCMP) and President Natan Obed, Inuit Tapiriit Kanatami (ITK), both organization have developed a shared workplan to help improve the relationship between Inuit communities and RCMP.
The plan is the starting point of a collaborative relationship between the RCMP and Inuit at the national level to address gaps and priorities in policing, with the goal of building transparency and trust.
Many of the action items flow from recommendations made by the National Inuit Action Plan on Missing and Murdered Inuit Women, Girls and 2SLGBTQQIA+ People, which embodies Inuit priorities in implementing the Calls for Justice from the National Inquiry into Missing and Murdered Indigenous Women and Girls. These actions are also in keeping with federal commitments identified under the Federal Pathway to Address Missing and Murdered Indigenous Women, Girls and 2SLGBTQQIA+ People.
The RCMP will work with ITK towards:
- data sharing on deaths by suicide, suicide attempts and suicidal ideation
- mandatory cultural training for officers working in Inuit Nunangat
- increased Inuit representation within the RCMP and improved access for Inuktitut speakers
- collaboration on input into the federal Indigenous Justice Strategy led by Justice Canada
As part of the workplan, the RCMP has committed to regular consultation with Inuit leadership to monitor progress. Both organizations are committed to sharing information and working together on emerging issues.
Inuit have long faced discrimination, neglect and violence within the criminal justice system. Our communities' interactions with police have been strained. With this new workplan in place, we hope to build a new relationship based on respect and mutual trust.
Mutual trust, respect and empathy are fundamental components in building healthy relationships between police and Inuit communities. The RCMP is committed to working with the ITK in implementing this workplan to repair, rebuild and enhance our relationships with communities in Inuit Nunangat.
ITK is the national representational organization for Inuit in Canada. Inuit Nunangat is made up of four regions: Inuvialuit Settlement Region (Northwest Territories), Nunavut, Nunavik (northern Quebec) and Nunatsiavut (Newfoundland and Labrador).
The RCMP provides policing services to over 70 per cent of communities across Inuit Nunangat including Nunavut, Nunatsiavut and the Inuvialuit Settlement Region.
Inuit Tapiriit Kanatami
media@itk.ca
RMCP
RCMP.HQMediaRelations-DGRelationsmedias.GRC@rcmp-grc.gc.ca
ᐃᓄᒃᑎᑐᑦ
ᐃᓄᐃᑦ ᑕᐱᕇᑦ ᑲᓇᑕᒥ ᐊᒻᒪ ᐸᓖᓯᒃᑯᑦ (RCMP) ᑲᑐᔾᔨᓪᓗᑎᒃ ᐱᓕᕆᖃᑎᒌᖕᓂᖏᑦ ᐱᐅᓯᒋᐊᖅᑎᑕᐅᖁᓪᓗᒋᑦ ᐸᓖᓯᒃᑯᑦ ᐊᒻᒪ ᐃᓄᐃᑦ ᐱᓕᕆᖃᑎᒌᒃᐸᓐᓂᖏᑦ
ᑲᑎᒪᖃᑎᒌᒑᓂᒃᑲᒥᒃ ᑎᓯᐱᕆ 2021-ᒥ ᑲᒥᓯᓄᑦ ᐳᕆᓐᑕ ᓚᑭ, ᕈᐃᐅᓪ ᑲᓃᑎᐊᓐ ᒪᐅᓐᑎᑦ ᐳᓖᔅ-ᑯᓐᓄᑦ (RCMPᔭᐸᓖᓯᒃᑯᑦ) ᐊᒻᒪ ᐊᖏᔪᖅᑳᖅ ᓇᐃᑖᓐ ᐆᐱᒃ, ᐃᓄᐃᑦ ᑕᐱᕇᑦ ᑲᓇᑕᒥ (ITK), ᑕᒪᕐᒥᐅᓪᓗᑎᒃ ᑲᑐᔾᔨᖃᑎᒌᖑᔫᒃ ᐋᖅᑭᒃᓱᐃᓯᒪᓕᖅᑐᒃ ᐊᒥᖅᑲᕈᑎᒋᓗᓂᑦᔪᒃ ᐱᓕᕆᐊᖑᓂᐊᖅᑐᓂᒃ ᐃᑲᔪᕈᑎᒃᓴᐅᓪᓗᑎᒃ ᐱᐅᓯᒋᐊᖅᑎᑕᐅᓯᒪᓂᒃᓴᖏᑕ ᐱᓕᕆᖃᑎᒌᒃᐸᓐᓂᐅᔪᓄᑦ ᐃᓄᐃᑦ ᓄᓇᓕᒋᔭᖏᓐᓂᑦ ᐊᒻᒪ ᐸᓖᓯᒃᑯᓐᓂᑦ (RCMP).
ᐸᕐᓇᐅᑎᓕᐅᕐᓂᖓᑦ ᐱᒋᐊᕐᕕᐅᕗᖅ ᑲᑐᔾᔨᖃᑎᒌᒃᖢᑎᒃ ᐱᓕᕆᖃᑎᒌᓕᕐᓂᐊᕐᓂᖏᑕ ᐸᓖᓯᒃᑯᑦ (RCMP) ᐊᒻᒪ ᐃᓄᐃᑦ ᑲᓇᑕᐅᑉ ᖁᑦᓯᖕᓂᖓᒍᑦ ᐱᓕᕆᐊᖑᓯᒪᓕᖁᓪᓗᒋᑦ ᐃᓚᑰᓂᖃᕐᕕᐅᔪᑦ ᐊᒻᒪ ᓯᕗᓪᓕᖅᐸᐅᑎᑕᒃᓴᐅᔪᑦ ᐸᓖᓯᖃᖅᐸᖕᓂᓕᕆᓂᕐᓂ, ᑐᕌᕐᕕᒃᓴᖃᖅᑎᑕᐅᓪᓗᑎᒃ ᐱᕈᖅᑎᑦᓯᓯᒪᓕᕆᐊᒥᖕᓄᑦ ᑕᑯᒃᓴᐅᑦᓯᐊᖅᑐᑎᒍᑦ ᐊᒻᒪ ᐅᒃᐱᕆᑐᕋᐅᑦᓯᐊᕈᖕᓇᕐᓂᖏᓂᒃ.
ᐊᒥᓱᑦ ᐱᓕᕆᐊᖑᓕᕆᐊᓖᑦ ᓴᖅᑭᑎᑕᐅᓯᒪᕗᑦ ᐊᑐᓕᖁᔭᐅᓪᓗᑎᒃ ᐃᓱᒪᓕᐅᕈᑎᐅᓯᒪᓕᓚᐅᖅᑐᓂᑦ ᑲᓇᑕᒥ ᐃᓄᐃᑦ ᐱᓕᕆᐊᖑᓕᖅᑐᒃᓴᓄᑦ ᐸᕐᓇᐅᑎᓕᐊᕆᓯᒪᔭᖏᓂᑦ ᐱᔾᔪᑎᒋᓪᓗᒋᑦ ᐊᓯᐅᔨᔭᐅᓯᒪᔪᑦ ᐊᒻᒪᓗ ᐃᓄᐊᖅᑕᐅᓯᒪᔪᑦ ᐃᓄᐃᑦ ᐊᕐᓇᐃᑦ, ᓂᕕᐊᖅᓯᐊᑦ ᐊᒻᒪᓗ 2SLGBTQQIA+-ᖑᓪᓗᑎᒃ ᐃᓅᖃᑎᒌᒃᑐᐃᑦ, ᐃᓚᖃᖅᑎᑦᓯᓯᒪᓪᓗᑎᒃ ᐃᓄᐃᑦ ᓯᕗᓪᓕᖅᐸᐅᑎᑕᐅᖁᔭᖏᓂᒃ ᐃᑲᔪᖅᑐᒐᐅᓯᒪᓕᖁᓪᓗᒋᑦ ᑎᓕᐅᕆᔾᔪᑎᐅᓯᒪᔪᑦ ᐊᑐᓕᖅᑎᑕᐅᖁᓪᓗᒋᑦ ᑲᓇᑕᒥ ᑐᑭᓯᓯᒪᓕᕆᐊᕐᓂᐅᓚᐅᖅᑐᓂᑦ ᖃᐅᔨᓴᐃᓂᖅᑎᒍᑦ ᐊᓯᐅᔨᔭᐅᓯᒪᔪᓄᑦ ᐊᒻᒪᓗ ᐃᓄᐊᖅᑕᐅᓯᒪᔪᓄᑦ ᓄᓇᖃᖅᑳᖅᓯᒪᔪᐃᑦ ᐊᕐᓇᖏᓂᑦ ᐊᒻᒪᓗ ᓂᕕᐊᖅᓯᐊᖏᓂᑦ. ᑕᒪᒃᑯᐊ ᐱᓕᕆᐊᖑᔪᑦ ᒪᓕᒃᑎᑕᐅᖕᒥᔪᑦ ᒐᕙᒪᑐᖃᒃᑯᑦ ᐱᓕᕆᐊᕆᓂᐊᕐᓂᕋᖅᓯᒪᓪᓗᒋᑦ ᓇᓗᓇᐃᖅᓯᒪᔭᖏᓂᒃ ᒪᓕᒃᑎᑕᐅᓪᓗᑎᒃ ᒐᕙᒪᑐᖃᒃᑯᑦ ᓇᐅᒃᑰᕐᕕᒃᓴᖁᑎᖏᓐᓂ ᐱᓕᕆᐊᖑᓯᒪᓕᖁᓪᓗᒋᒃ ᐊᓯᐅᔨᔭᐅᓯᒪᔪᑦ ᐊᒻᒪᓗ ᐃᓄᐊᖅᑕᐅᓯᒪᔪᓄᑦ ᓄᓇᖃᖅᑳᖅᓯᒪᔪᐃᑦ ᐊᕐᓇᖏᑦ, ᓂᕕᐊᖅᓯᐊᖏᑦ ᐊᒻᒪ 2SLGBTQQIA+-ᖑᓪᓗᑎᒃ ᐃᓅᖃᑎᒌᒃᑐᐃᑦ.
ᐸᓖᓯᒃᑯᑦ (RCMP) ᐱᓕᕆᖃᑎᖃᕐᓂᐊᖅᑐᑦ ᐃᓄᐃᑦ ᑕᐱᕇᒃᑯᓐᓂᒃ ᑲᓇᑕᒥ (ITK) ᒪᑯᓄᖓ ᑐᕌᖅᑎᑕᐅᓯᒪᔪᓄᑦ:
- ᑐᑭᓯᒋᕐᕕᒃᓴᖁᑎᒥᓐᓂᒃ ᐊᒥᖅᑲᕈᑎᖃᕐᓂᐊᕐᓂᕐᒧᑦ ᐃᖕᒥᓃᖅᖢᑎᒃ ᑐᖁᔾᔪᑎᖃᖅᓯᒪᔪᓄᑦ, ᐃᒻᒥᓃᖅᖢᑎᒃ ᑐᖁᔾᔪᑎᖃᕋᓱᒃᓯᒪᔪᓄᑦ ᐊᒻᒪ ᐃᒻᒥᓃᕈᒪᓂᕐᒧᑦ ᐃᓱᒻᒥᖅᓯᒪᖃᑦᑕᖅᓯᒪᔪᓄᑦ
- ᐱᔭᕆᐊᖃᖅᑎᑕᐅᓪᓗᑎᒃ ᐱᐅᓯᑐᖃᓕᕆᓂᕐᒧᑦ ᐱᓕᒻᒪᒃᓴᔭᐅᓯᒪᔭᕆᐊᖃᕐᓂᖏᑕ ᐸᓖᓯᐅᔪᑦ ᐃᖅᑲᓇᐃᔮᖃᖅᑐᓄᑦ ᐃᓄᐃᑦ ᓄᓇᖓᓐᓂ
- ᐊᒥᓱᕈᖅᑎᑕᐅᓯᒪᓕᕐᓂᒃᓴᖏᑕ ᐃᓄᖕᓄᑦ ᐱᔾᔪᑎᖃᖅᑎᐅᔪᓄᑦ ᐸᓖᓯᒃᑯᑦ (RCMP) ᐱᓕᕆᕝᕕᖏᑕ ᐃᓗᐊᓂ ᐊᒻᒪ ᐱᐅᓯᒋᐊᖅᑎᑕᐅᓯᒪᓕᕐᓗᑎᒃ ᐃᓄᒃᑐᑦ ᐅᖃᓪᓚᒍᖕᓇᖅᑐᓂᒃ ᐃᖅᑲᓇᐃᔭᖅᑎᖃᕈᓐᓇᕐᓂᖏᑕ
- ᑲᑐᔾᔨᖃᑎᒌᒃᓗᑎᒃ ᐱᓕᕆᖃᑕᐅᓂᖏᓐᓂᒃ ᑐᕌᖓᔪᓄᑦ ᒐᕙᒪᑐᖃᒃᑯᑦ ᓄᓇᖃᖅᑳᖅᓯᒪᔪᐃᑦ ᐃᖅᑲᖅᑐᐃᕝᕕᓕᕆᓂᕐᒥ ᐸᕐᓇᐅᑎᓕᐊᖏᓐᓄᑦ ᓯᕗᓕᖅᑎᖃᕐᓗᑎᒃ ᑲᓇᑕᒥ ᐃᖅᑲᖅᑐᐃᕝᕕᓕᕆᔨᕐᔪᐊᒃᑯᖏᓐᓂᒃ.
ᐃᓚᒋᔭᐅᖃᑕᐅᓪᓗᓂ ᐱᓕᕆᐊᖑᔪᒃᓴᐅᓪᓗᑎᒃ ᐸᕐᓇᐅᑎᓄᑦ, ᐸᓖᓯᒃᑯᑦ (RCMP) ᐱᓕᕆᓂᖃᖃᑦᑕᕐᓂᐊᕐᓂᕐᒥᓐᓂᒃ ᓇᓗᓇᐃᖅᓯᓯᒪᕗᑦ ᖃᐅᔨᒋᐊᕐᕕᖃᖃᑦᑕᕐᓂᐊᕐᓂᕐᒥᓐᓄᑦ ᐃᓄᐃᑦ ᓯᕗᓕᖅᑎᒋᔭᖏᓐᓂᑦ ᓇᐅᑦᓯᖅᑐᐃᓂᕐᒥᖕᓂ ᐱᓕᕆᐊᖑᓕᖅᓯᒪᔪᓂᒃ. ᑕᒪᕐᒥᒃ ᑲᑐᔾᔨᖃᑎᒌᖑᔫᒃ ᐱᓕᕆᐊᒃᓴᖃᕐᒪᑎᒃ ᐊᒥᖅᑲᕈᑎᖃᖃᑦᑕᕐᓂᐊᕐᓂᕐᒥᓐᓄᑦ ᑐᓴᒐᒃᓴᖁᑎᒥᖕᓂᒃ ᐊᒻᒪᓗ ᑲᑐᔾᔨᓂᖃᕐᓗᑎᒃ ᐱᓕᕆᓂᖃᖅᐸᖕᓂᐊᕐᓂᕐᒥᖕᓄᑦ ᓴᖅᑭᑉᐸᓪᓕᐊᓪᓗᑎᒃ ᐱᕙᓪᓕᐊᔪᓕᕆᓂᐅᔪᓂᒃ.
ᐃᓄᐃᑦ ᐊᑯᓂᐊᓗᒃ ᐃᓚᐃᓐᓈᖅᑎᑕᐅᖃᑦᑕᖅᓯᒪᓕᖅᐳᑦ, ᐱᑦᓯᐊᖅᑕᐅᖖᒋᖃᑦᑕᖅᓯᒪᓕᖅᓱᑎᒃ ᐊᒻᒪ ᐋᓐᓂᖅᑎᒐᐅᖃᑦᑕᖅᓯᒪᓕᖅᓱᑎᒃ ᐱᕋᔭᒃᓯᒪᔪᓄᑦ ᐃᖅᑲᖅᑐᐃᕝᕕᓕᕆᓂᕐᒥ ᐱᓕᕆᔾᔪᑎᐅᕙᒃᑐᑦ ᐃᓗᐊᓂ. ᓄᓇᓕᒋᔭᑦᑎᓐᓂ ᐱᓕᕆᓂᐅᖃᑦᑕᖅᓯᒪᔪᑦ ᐸᓖᓯᒃᑯᓐᓂᒃ ᐊᒃᓱᕈᕐᓇᖅᑑᖃᑦᑕᖅᓯᒪᓪᓗᑎᒃ. ᑖᒃᑯᑎᒎᓇᖅ ᓄᑖᖑᓪᓗᑎᒃ ᐱᓕᕆᐊᖑᔪᒃᓴᐅᓪᓗᑎᒃ ᐸᕐᓇᐅᑎᑎᒍᑦ ᓂᕆᐅᖕᓂᖅᑕᖃᓕᕐᒪᑦ ᐱᕈᖅᑎᑦᑎᓯᒪᓕᕆᐊᒥᒃ ᓄᑖᖑᔪᑎᒍᑦ ᐱᓕᕆᖃᑎᒌᒃᐸᓐᓂᐅᓂᐊᖅᑐᓂᒃ ᑐᖖᒐᕝᕕᖃᖅᑎᑕᐅᓯᒪᓪᓗᑎᒃ ᐅᐱᒋᑐᕋᐅᑦᓯᐊᕐᓂᕐᓄᑦ ᐊᒻᒪᓗ ᐅᒃᐱᕆᑐᕋᐅᑦᓯᐊᕈᖕᓇᕐᓂᕐᓄᑦ.
ᑕᒪᑦᑕᐅᓪᓗᑕ ᐅᒃᐱᕆᑐᕋᐅᑦᓯᐊᕈᖕᓇᕐᓂᖅ, ᐅᐱᒋᑐᕋᐅᑦᓯᐊᕈᖕᓇᕐᓂᖅ ᐊᒻᒪ ᐃᒃᐱᒋᑐᕋᐅᑦᓯᐊᕈᖕᓇᕐᓂᖅ ᐱᑕᖃᕆᐊᖃᕐᒪᑕ ᐱᕈᖅᑎᑦᓯᕙᓪᓕᐊᓂᑦᑎᖕᓂ ᓈᒻᒪᑦᓯᐊᖅᑐᑎᒍᑦ ᐱᓕᕆᖃᑎᒌᓕᕈᖕᓇᕐᓂᖏᑕ ᐸᓖᓯᒃᑯᑦ ᐊᒻᒪ ᐃᓄᐃᑦ ᓄᓇᓕᒋᔭᖏᓂᕐᒥᐅᑦ. ᐸᓖᓯᒃᑯᑦ (RCMP) ᐱᓕᕆᖃᑎᖃᕐᓂᐊᖅᑐᑦ ᐃᓄᐃᑦ ᑕᐱᕇᒃᑯᖏᓂᒃ ᑲᓇᑕᒥ (ITK) ᐊᑐᓕᖅᑎᑦᓯᓂᕐᒥ ᑖᒃᑯᓂᖓ ᐱᓕᕆᐊᖑᔪᒃᓴᐅᓪᓗᑎᒃ ᐸᕐᓇᐅᑎᓂᒃ ᐋᖅᑭᒃᓱᒐᐅᓯᒪᓕᖁᓪᓗᒋᑦ, ᐱᕈᖅᑎᑕᐅᓯᒪᓕᒃᑲᓐᓂᖁᓪᓗᒋᑦ ᐊᒻᒪ ᐱᐅᓯᒋᐊᖅᑎᑕᐅᓯᒪᓕᖁᓪᓗᒋᑦ ᐱᓕᕆᖃᑎᖃᖅᐸᖕᓂᕗᑦ ᓄᓇᓕᒋᔭᐅᔪᓂᒃ ᐃᓄᐃᑦ ᓄᓇᖓᓐᓂ.
ITK-ᑯᑦ ᑲᓇᑕᒥ ᐱᔾᔪᑎᖃᖅᑎᒋᔭᐅᔫᓪᓗᑎᒃ ᑲᑐᔾᔨᖃᑎᒌᒋᔭᐅᕗᑦ ᐃᓄᖕᓄᑦ ᑲᓇᑕᒥ. ᐃᓄᐃᑦ ᓄᓇᖓᑦ ᓯᑕᒪᐅᔪᓄᑦ ᐊᕕᒃᑐᖅᓯᒪᓂᖃᕐᐳᖅ: ᐃᓄᕕᐊᓗᐃᑦ (ᓄᓇᑦᓯᐊᖅ), ᓄᓇᕗᑦ, ᓄᓇᕕᒃ (ᑯᐃᐸᒃ ᑕᖅᕋᖓ) ᐊᒻᒪ ᓄᓇᑦᓯᐊᕗᑦ (ᓂᐅᕙᐅᓐᓛᓐ ᐊᒻᒪᓗ ᓛᐸᑐᐊᕆ.)
ᐸᓖᓯᒃᑯᑦ (RCMP) ᐱᑕᖃᖅᑎᑦᓯᔨᐅᕙᒃᐳᑦ ᐸᓖᓯᖃᖅᑎᑦᓯᕙᖕᓂᕐᓄᑦ ᐅᖓᑖᓄᐊᖅᑐᓂᒃ 70 ᐳᕐᓴᓐᑎᖓᓂᑦ ᐃᓄᐃᑦ ᓄᓇᓕᒋᔭᖏᓂ ᐃᓄᐃᑦ ᓄᓇᓗᒃᑖᖓᓂ, ᐃᓚᖃᖅᖢᑎᒃ ᓄᓇᕗᑦ, ᓄᓇᑦᓯᐊᕗᑦ ᐊᒻᒪ ᐃᓄᕕᐊᓗᐃᑦ ᐊᕕᒃᑐᖅᓯᒪᓂᖓᓂ.
ᐃᓄᐃᑦ ᑕᐱᕇᑦ ᑲᓇᑕᒥ
media@itk.ca
ᐸᓖᓯᒃᑯᑦ (RMCP)
RCMP.HQMediaRelations-DGRelationsmedias.GRC@rcmp-grc.gc.ca
inuktiˈtut
Inuit Tapiriit Kanatami amma Paliisikkut (RCMP) katujjillutik piliriqatigiingningit piusigiaqtitauqullugit Paliisikkut amma Inuit piliriqatigiikpanningit
Katimaqatigiigaanikkamik December 2021-mi Commissioner Brenda Lucki, Royal Canadian Mounted Police-kunnut (RCMP/Paliisikkut) amma Angijuqqaaq Natan Obed, Inuit Tapiriit Kanatami (ITK), tamarmiullutik katujjiqatigiingujuuk aaqqiksuisimaliqtuk amiqqarutigilunitjuk pilirianguniaqtunik ikajurutiksaullutik piusigiaqtitausimaniksangita piliriqatigiikpanniujunut Inuit nunaligijanginnit amma Paliisikkunnit (RCMP).
Parnautiliurningat pigiarviuvuq katujjiqatigiikłutik piliriqatigiilirniarningita Paliisikkut (RCMP) amma Inuit Canadaup qutsingningagut piliriangusimaliqullugit ilakuuniqarviujut amma sivulliqpautitaksaujut paliisiqaqpangnilirinirni, turaarviksaqaqtitaullutik piruqtitsisimaliriamingnut takuksautsiaqtutigut amma ukpiriturautsiarungnarninginik.
Amisut piliriangulirialiit saqqititausimavut atuliqujaullutik isumaliurutiusimalilauqtunit Canadami Inuit Pilirianguliqtuksanut Parnautiliarisimajanginit pijjutigillugit Asiujijausimajut ammalu Inuaqtausimajut Inuit Arnait, Niviaqsiat ammalu 2SLGBTQQIA+-ngullutik Inuuqatigiiktuit, ilaqaqtitsisimallutik Inuit sivulliqpautitauqujanginik Ikajuqtugausimaliqullugit Tiliurijjutiusimajut atuliqtitauqullugit Canadami Tukisisimaliriarniulauqtunit Qaujisainiqtigut Asiujijausimajunut ammalu Inuaqtausimajunut Nunaqaqqaaqsimajuit Arnanginit ammalu Niviaqsianginit. Tamakkua piliriangujut maliktitaungmijut gavamatuqakkut piliriariniarniraqsimallugit nalunaiqsimajanginik maliktitaullutik Gavamatuqakkut Naukkuurviksaqutinginni piliriangusimaliqullugik Asiujijausimajut ammalu Inuaqtausimajunut Nunaqaqqaaqsimajuit Arnangit, Niviaqsiangit amma 2SLGBTQQIA+-ngullutik Inuuqatigiiktuit.
Paliisikkut (RCMP) piliriqatiqarniaqtut Inuit Tapiriikkunnik Kanatami (ITK) makununga turaaqtitausimajunut:
- tukisigirviksaqutiminnik amiqqarutiqarniarnirmut ingminiiqłutik tuqujjutiqaqsimajunut, imminiiqłutik tuqujjutiqarasuksimajunut amma imminiirumanirmut isummiqsimaqattaqsimajunut
- pijariaqaqtitaullutik piusituqalirinirmut pilimmaksajausimajariaqarningita paliisiujut iqqanaijaaqaqtunut Inuit nunanganni
- amisuruqtitausimalirniksangita inungnut pijjutiqaqtiujunut Paliisikkut (RCMP) pilirivvingita iluani amma piusigiaqtitausimalirlutik inuktut uqallagungnaqtunik iqqanaijaqtiqarunnarningita
- katujjiqatigiiklutik piliriqatauninginnik turaangajunut gavamatuqakkut nunaqaqqaaqsimajuit iqqaqtuivvilirinirmi parnautilianginnut sivuliqtiqarlutik kanatami iqqaqtuivvilirijirjuakkunginnik.
Ilagijauqataulluni piliriangujuksaullutik parnautinut, Paliisikkut (RCMP) piliriniqaqattarniarnirminnik nalunaiqsisimavut qaujigiarviqaqattarniarnirminnut Inuit sivuliqtigijanginnit nautsiqtuinirmingni pilirianguliqsimajunik. Tamarmik katujjiqatigiingujuuk piliriaksaqarmatik amiqqarutiqaqattarniarnirminnut tusagaksaqutimingnik ammalu katujjiniqarlutik piliriniqaqpangniarnirmingnut saqqippalliallutik pivalliajuliriniujunik.
Inuit akunialuk ilainnaaqtitauqattaqsimaliqput, pitsiaqtaunngiqattaqsimaliqsutik amma aanniqtigauqattaqsimaliqsutik pirajaksimajunut iqqaqtuivvilirinirmi pilirijjutiuvaktut iluani. nunaligijattinni piliriniuqattaqsimajut paliisikkunnik aksururnaqtuuqattaqsimallutik. taakkutiguunaq nutaangullutik piliriangujuksaullutik parnautitigut niriungniqtaqalirmat piruqtittisimaliriamik nutaangujutigut piliriqatigiikpanniuniaqtunik tunngavviqaqtitausimallutik upigiturautsiarnirnut ammalu ukpiriturautsiarungnarnirnut.
Tamattaulluta ukpiriturautsiarungnarniq, upigiturautsiarungnarniq amma ikpigiturautsiarungnarniq pitaqariaqarmata piruqtitsivallianittingni naammatsiaqtutigut piliriqatigiilirungnarningita Paliisikkut amma Inuit nunaligijanginirmiut. Paliisikkut (RCMP) piliriqatiqarniaqtut Inuit tapiriikkunginik kanatami (ITK) atuliqtitsinirmi taakkuninga piliriangujuksaullutik parnautinik aaqqiksugausimaliqullugit, piruqtitausimalikkanniqullugit amma piusigiaqtitausimaliqullugit piliriqatiqaqpangnivut nunaligijaujunik Inuit Nunanganni.
ITK-kut Canadami pijjutiqaqtigijaujuullutik katujjiqatigiigijauvut Inungnut Canadami. Inuit Nunangat sitamaujunut aviktuqsimaniqarpuq: Inuvialuit (Nunatsiaq), Nunavut, Nunavik (Quebec Taqranga) amma Nunatsiavut (Newfoundland ammalu Labrador.)
Paliisikkut (RCMP) pitaqaqtitsijiuvakput paliisiqaqtitsivangnirnut ungataanuaqtunik 70 pursantinganit Inuit nunaligijangini Inuit Nunaluktaangani, ilaqaqłutik Nunavut, Nunatsiavut amma Inuvialuit Aviktuqsimaningani.
Inuit Tapiriit Kanatami
media@itk.ca
Paliisikkut (RMCP)
RCMP.HQMediaRelations-DGRelationsmedias.GRC@rcmp-grc.gc.ca